From the event: On the sets of Hindi movie 'Who's There ...?'
13 November 2011 | where:
Kudrat, kaynat, duniya, jahaan, naam kayi magar cheez ek, Khuda ki kudrat se kaynat bani jismein insan bana. Insani jazbaton ke alag alag rangon mein jo sabse hasin khubsurat rang hai woh hai MUHABBAT. Aaiye hum aapko muhabbat ki aam dastano se hat kar ek alag tarah ki muhabbat ki kahani batate hain jiska dusra pahlu hai KHAUFF. MUHABBAT aur Kauff ki ye dastaan shuru hoti hai MUSKAN aur JAY se… Ye do jawan dil, ek dusre se beintaha pyaar karte hain. Waqt aur halat ke chalte dono ka pyar parwaan nahi chad pata aur Muskan ki shaadi ek amir aur behad sharif naujawan SUNNY MALHOTRA se ho jati hai. Lekin sachcha aashique JAY ye sadma bardasht nahi kar pata aur zahar pikar apni jaan de deta hai. Pichli baaton ko bhulkar MUSKAN, SUNNY ke sath shadi kar leti hai. Ye naya joda honeymoon manane keral ke ek khubsurat resort me pahunchta hai. Yahan se kahani leti hai ek naya moad. Kiski hai wo laash ? kaun hai wo jo har pal Sunny ki sukhi zindgi me khauf ka andhera bhar deta hai? Kaun hai wo jo aghori viddya ka istemal kar raha hai aur kyun? Kaun hai wo jo muskan ko kidnap karwana chahta hai? Kaun ? kaun ? KAUN HAI WAHAN ? WHO’S THERE ?